বিশ্বনাথৰ সাধাৰুত মন্ত্ৰী পীয়ুষ হাজৰিকাৰ কনভয়ৰ খুন্দাত এজন নিহত

বিশ্বনাথঃ মন্ত্ৰী-বিধায়কৰ দৃষ্টিত এইখন অসমত এতিয়া সাধাৰণ লোকৰ জীৱনৰ কোনো মূল্যই নোহোৱা হৈছে৷ মন্ত্ৰী-বিধায়কৰ গাড়ীৰ কনভয়ৰ সন্মুখত কুকুৰ-মেকুৰীৰ দৰে হৈ পৰে মানুহৰ জীৱন৷ বাৰে বাৰে বতাহৰ গতিত চলাচল কৰা মন্ত্ৰী-বিধায়কৰ গাড়ীৰ কনভয়ৰ খুন্দাত সাধাৰণ লোকে প্ৰাণ। হেৰুৱাইছে৷ তথাপিও মন্ত্ৰীৰ কনভয়ৰ গতি কম নহ’ল৷ 

চাইৰেন বজাই ৰজাৰ দৰে চলাচল কৰা মন্ত্ৰীৰ কনভয়ৰ গাড়ীৰ খুন্দাত পুনৰ সাধাৰণ নাগৰিকৰ প্ৰাণ গৈছে এইখন অসমত৷ মন্ত্ৰীৰ কনভয়ৰ খুন্দাত আজি বিশ্বনাথত থিতাতে নিহত এজন লোকৰ নিথৰ দেহ পৰি ৰ’ল ৰাজপথত৷ পুনৰ মন্ত্ৰী পীয়ুষ হাজৰিকাৰ কনভয়ৰ খুন্দাত এজন লোকে প্ৰাণ হেৰুৱাবলগীয়া হোৱাৰ অভিযোগে এতিয়া ৰাজ্যজুৰি চাঞ্চল্যৰ সৃষ্টি কৰিছে৷