শান্তিৰ বাৰ্তা! ৫ বছৰৰ অন্তত চীনৰ ৰাষ্ট্ৰপতিক লগ পালে প্ৰধানমন্ত্ৰী নৰেন্দ্ৰ মোদীয়ে

মস্কোঃ ৰাছিয়াৰ কাজান চহৰত অনুষ্ঠিত হৈ থকা ১৬সংখ্যক ব্ৰিকছ সন্মিলনৰ মাজতে আজি বৈঠকত মিলিত হ’ল ভাৰতৰ প্ৰধানমন্ত্ৰী নৰেন্দ্ৰ মোদী আৰু চীনৰ ৰাষ্ট্ৰপতি ঝি জিনপিঙ। বুধাবাৰে সন্মিলনৰ দ্বিতীয় দিনটোত অনুষ্ঠিত হোৱা ৰুদ্ধদ্বাৰ পূৰ্ণাংগ বৈঠকৰ পিছতে দুয়োখন ৰাষ্ট্ৰৰ নেতাদুগৰাকীৰ মাজত অনুষ্ঠিত হয় দ্বিপাক্ষিক বৈঠক। 

মোদীয়ে বৈঠকৰ অন্তত সংবাদ মাধ্যমক সম্বোধন কৰি কয় যে এই বৈঠকত ৰাষ্ট্ৰ দুখনৰ দ্বিপাক্ষিক বিষয়সমূহৰ ওপৰত আলোচনা চলে। সমান্তৰালভাৱে শান্তি আৰু স্থিতিশীলতাৰ প্ৰয়োজনীয়তা পুনৰবাৰ উল্লেখ কৰি মোদীয়ে কয়, “এল এ চিৰ ওপৰত শান্তি আৰু স্থিতিশীলতা আমাৰ অগ্ৰাধিকাৰ। মই নিশ্চিত যে ভৱিষ্যতেও আমি মুকলি মনৰে আলোচনা কৰিম, আৰু আমাৰ আলোচনা গঠনমূলক হ’ব।”