116
মৰিগাঁওঃ ৰাষ্ট্ৰীয় ভোটাৰ দিৱস উপলক্ষে শুকুৰবাৰে মৰিগাঁও জিলা প্ৰশাসনৰ উদ্যোগত উদযাপন কৰা হয় ভোটাৰ দিৱস। মৰিগাঁও নগৰৰ বিহুতলীৰপৰা পুৱা ৭ বজাত আৰম্ভ হোৱা স্বচ্ছ ভাৰত অভিযানৰ কাৰ্যসূচী শুভাৰম্ভ কৰে জিলা উপায়ুক্ত ঋতুৰাজ বৰাই।
ইয়াৰ পাছতেই উপায়ুক্ত বৰাই স্বচ্ছ ভাৰত অভিযানত অংশগ্ৰহণ কৰা সকলোকে শপত বাক্য পাঠ কৰায়। উপায়ুক্ত বৰাই স্বচ্ছ ভাৰত অভিযানৰ কাৰ্যসূচীত অংশগ্ৰহণ কৰা বিভাগীয় সকলো বিষয়া কৰ্মচাৰীক ধন্যবাদ জ্ঞাপন কৰি মৰিগাঁও নগৰখন স্বচ্ছ কৰি ৰখাৰ ক্ষেত্রত সকলোকে গুৰুত্ব আৰোপ কৰিবলৈ আহ্বান জনায়।
