ছাদিকুজ জামান, মোৰাঝাৰঃ হোজাই জিলাৰ মোৰাঝাৰত মঙলবাৰে মোৰাঝাৰ থানা ৰোড মছজিদ কমিটিৰ উদোগত হজ যাত্ৰীক সম্বৰ্ধনা জনোৱা হয়৷
উল্লেখ্য যে, বৃহত্তৰ মোৰাঝাৰ অঞ্চলৰ ৪৫ গৰাকী হজ যাত্ৰীক আনুষ্ঠানিকভাৱে ফুলাম গামোচাৰে সম্বৰ্ধনা জনোৱাৰ অন্তত বিশ্ব শান্তিৰ বাবে দোৱা হয়৷
মোৰাঝাৰ উপ স্বাস্থ্য কেন্দ্ৰৰ পৰিচালনা সমিতিৰ সহযোগত অনুষ্ঠিত এই কাৰ্যসূচীৰ অন্তত হজ যাত্ৰীসকলক বেকচিন প্ৰদান কৰা হয়৷ এই অনুষ্ঠানতে স্থানীয় শিক্ষাবিদ মাখন উদ্দিন আহমেদ, উপ স্বাস্থ্য কেন্দ্ৰ পৰিচালনা সমিতিৰ সভাপতি খয়ৰুল ইছলাম, সদস্য তথা সমাজসেৱক বিলাল উদ্দিন, সদস্য তথা সাংবাদিক ছাদিকুজ জামান, স্থানীয় যুৱক জিয়াউৰ ৰহমানকে ধৰি ভালেমান গণ্য মান্য লোক উপস্থিত থাকে৷