নলবাৰীত নৰোৰাম বৰ্মন ফুটবলৰ প্ৰথমখন কোৱাৰ্টাৰ ফাইনেল আজি

হেমন্ত কলিতা, নলবাৰীঃ নলবাৰী জিলাৰ চামতাত চলি থকা নৰোৰাম বৰ্মন সোঁৱৰণী ফুটবল প্ৰতিযোগীতাৰ প্ৰথমখন কোৱাৰ্টাৰ ফাইনেল খেল শনিবাৰে ছিলঙৰ অসম ৰেজিমেণ্টেল চেণ্টাৰ আৰু বঙাইগাৱৰ ইলেভেন ষ্টাৰ ক্নাবৰ মাজত অনুষ্ঠিত হ’ব৷ 

সৰ্বভাৰতীয় ফুটবল ফেডাৰেচনৰ দ্বাৰা স্বীকৃতিপ্ৰাপ্ত তথা অইল ইণ্ডিয়া, নয়ডা আৰু গুৱাহাটী, নুমলীগড় ৰিফাইনাৰীৰ অৰ্থ সাহাৰ্য্যৰে চামতা আঞ্চলিক ক্ৰীড়া সংঘৰ দ্বাৰা পৰিচালিত নৰোৰাম বৰ্মন সোঁৱৰণী বিজয়ী ট্রফী, ৰণীধৰ বৰ্মন সোঁৱৰণী বিজিত ট্রফী আৰু প্ৰমোদ কুমাৰ পাটোৱাৰী সোঁৱৰণী প্ৰাইজমানি ফুটবল প্রতিযোগিতাখনৰ প্ৰি-কোৱাৰ্টাৰত ইতিমধ্যে ইলেভেন ষ্টাৰ ক্লাবে চমকপ্ৰদ প্ৰদৰ্শনেৰে মুকালমুৱা আঞ্চলিক ক্ৰীড়া সন্থাক পৰাজিত কৰি কোৱাৰ্টাৰত প্ৰৱেশ কৰিছে৷