নলবাৰী যজ্ঞভূমিত সচেতন যুৱকে পথ মেৰামতি কৰি চৰকাৰ-পঞ্চায়ত প্ৰতিনিধিৰ বিৰুদ্ধে উজাৰিলে তীব্ৰ ক্ষোভ

নলবাৰীৰপৰা হেমন্ত কলিতাঃ নলবাৰী জিলাৰ বিভিন্ন ঠাইৰ লগতে বৃহত্তৰ বাহঁজানীৰ অন্তৰ্গত যজ্ঞভূমি অঞ্চলটোৰ এচাম ব্যস্ত পথ বিধ্বস্ত হৈ পৰিছে যদিও জনপ্ৰতিনিধিৰ কোনো গুৰুত্ব নোহোৱাৰ ৰাজহুৱা  অভিযোগ উত্থাপন হৈছে। 

অঞ্চলটোৰ যজ্ঞভূমি পূজা খোলাৰপৰা ব্ৰহ্মচাৰী পুখুৰী হৈ জানিগোগ-চান্দুকুছি গড়কাপ্তানী পথ সংলগ্ন জৰাজীৰ্ণ গ্ৰাম্য পথচোৱা আন দুদিনৰ দৰে শুকুৰবাৰেও এচাম সচেতন যুৱকে মেৰামতি কৰি তীব্ৰ প্ৰতিবাদ কৰি চৰকাৰ তথা জনপ্ৰতিনিধিক ধিক্কাৰ দিয়ে।