ডিজিটেল ডেক্স,নলবাৰীঃ নলবাৰী জিলাৰ ঐতিহ্যমণ্ডিত বিল্বেশ্বৰ আৰু দুৰ্গা পূজাৰ এক এৰাব নোৱাৰা সম্পৰ্ক আছে৷ মহানৱমীৰ দিনটোত অতীজৰে পৰা ৰাজ্যৰ ভিন্ন ঠাইৰ পৰা দুৰ্গা দেৱীৰ ভক্তই ভিৰ কৰে বিল্বেশ্বৰ৷ নলবাৰী জিলাৰ বেলশৰৰ ইতিহাপ্ৰসিদ্ধ শক্তিপীঠ বিল্বেশ্বৰত ১০ অক্টোবৰ পৰা ১৯ অক্টোবৰলৈ দহদিনীয়া দূৰ্গা পূজা অনুষ্ঠিত হয়৷ দহ দিনৰ পূজাৰ ভিতৰত মহানৱমীৰ দিনটোক বিশেষ ভাবে লয় ভক্তসকলে৷
বৃহস্পতিৰে প্ৰায় অৰ্ধ লক্ষ লোক ওলাই আহে দেৱী দুৰ্গাক সেৱা কৰিবলৈ৷ প্ৰতিপদ তিথিৰ দুৰ্গা পূজা আৰম্ভ হোৱা ৰাজ্যৰ একমাত্ৰ শক্তিপীঠৰূপে বিল্বেশ্বৰ৷ দেৱালয়ত হিন্দু-মুছলমানে ভক্তি ভাবেৰে ওলাই আহে৷ দেৱালয়ত ৫৩ টা ম'হ বলি দিয়াৰ লগতে ছাগলী, হাঁহ, পাৰ চৰাই আদি বলি দিয়া হয়৷ দেৱালয়ৰ নিয়ম অনুসাৰি বলিৰ দাতা সকলৰ নাম প্ৰকাশ কৰিব বিচৰা নাই সমিতিয়ে৷
আমাৰ লক্ষ্য 'News Next One’ক মুক্ত আৰু স্বতন্ত্ৰ সংবাদ প্ৰতিষ্ঠান হিচাপে গঢ়ি তোলা। কিন্তু আপোনাৰ আৰ্থিক সহায় অবিহনে মুক্ত আৰু স্বতন্ত্ৰ সাংবাদিকতা কৰাতো আমাৰ পক্ষে অসম্ভৱ। সোঁতৰ বিপৰীতমুখী এই সাংবাদিকতাৰ ধাৰা অব্যাহত ৰাখিবলৈ আমাক আৰ্থিকভাৱে সহায় কৰক। আমাৰ বেংক একাউণ্ট নম্বৰঃ NEWSNEXTONE.COM, A/C No: 50200046365374, IFSC: HDFC0000758, HDFC BANK, Noonmati Branch।