মুকেশ সাহাইক বিশেষ মৰ্যদাৰে বিদায়, কুলধৰ শইকীয়াই গ্ৰহণ কৰিলে আৰক্ষী সঞ্চালক প্ৰধানৰ দায়িত্ব

গুৱাহাটীঃ দীৰ্ঘ দিনে আৰক্ষীৰ কেইবাটাও উচ্চ পদস্থ পদত কাৰ্যনিৰ্বাহ কৰা আইপিএছ বিষয়া মুকেশ সাহায়ে অৱশেষত আৰক্ষী সঞ্চালক প্ৰধান হিচাপে অৱসৰ গ্ৰহণ কৰিলে সোমবাৰে৷ দীৰ্ঘ চাকৰিৰ জীৱনৰ অভিজ্ঞতা ৰোমন্থন কৰি সোমবাৰে সাহাইয়ে আৱেগিক হৈ পৰে৷ বিদায় বেলাত অসমৰ কথাকে কৈ স্মৃতি ৰোমন্থন কৰিলে সাহাইয়ে৷

বিশেষকৈ যোৱা সময়ছোৱাত অসমত উগ্ৰপন্থীৰ সমস্যা ব্যাপক হাৰত কম হৈ অহাটোৱে সফলতা বুলি কব খুজিলে৷ এনআৰচিৰ কথাও উল্লেখ কৰি খচৰা প্ৰকাশৰ দিনটো সুখৰ আছিল বুলি কয়৷ ৰাজ্যৰ আৰক্ষী সঞ্চালক প্ৰধান মুকেশ সাহায়ে সোমবাৰে চাকৰিৰ পৰা অৱসৰ গ্ৰহণ কৰাৰ লগে লগে অসম আৰক্ষীৰ কাহিলীপাৰাস্থিত চতুৰ্থ বাহিনীৰ পথাৰত অসম আৰক্ষীয়ে বিশেষ মৰ্যদাৰে বিদায় দিয়ে৷