63
newsnextone.com | টীয়কঃ যোৰহাটস্থিত অসম কৃষি বিশ্ববিদ্যালয়ৰ এজন ছাত্ৰৰ অভিনৱ কাৰিকৰী সৃষ্টিয়ে সকলোৰে দৃষ্টি আকৰ্ষন কৰিবলৈ সক্ষম হৈছে। প্ৰখৰ ৰ’দত কৃষকৰ সুবিধাৰ্থে ছাত্ৰজনে নিৰ্মাণ কৰি উলিয়াইছে এটা অত্যাধুনিক জাপি।
ছাত্ৰজনৰ নাম ৰুহুল আমিন। অসম কৃষি বিশ্ববিদ্যালয়ৰ গ্ৰাম্য কৃষি কৰ্ম আঁচনিৰ অধীনত টীয়কৰ দোলাষৰিয়া গাঁৱত বৰ্তমান কৰ্মৰত ৰুহুলৰ ঘৰ বৰপেটাত। যুৱকজনে বজাৰত সহজতে উপলব্ধ এটা জাপিত তিনিখনকৈ বৈদ্যুতিক পাংখা সংযোগ কৰি পথাৰত কাম কৰি থকা অৱস্থাত কৃষকসকলক গৰমৰ পৰা কিছু সকাহ দিবলৈ চেষ্টা কৰিছে। এই বিশেষ জাপিতো বিদ্যুৎ আৰু সৌৰ শক্তি দুইটা ব্যৱস্থাৰ দ্বাৰাই চালিত হয়। বিশেষকৈ গ্ৰাম্যাঞ্চলত বিদ্যুৎৰ অভাৱৰ হেতুকে সৌৰ শক্তিৰ ব্যৱস্থাটোৱে অধিক প্ৰাধান্য পাব বুলি ৰুহুল আশাবাদী।