109
ওদালগুৰিঃ ছয় জনগোষ্ঠীক জনজাতিকৰণ কৰা সন্দৰ্ভত কেন্দ্ৰত গুণাগথা চলি থকাৰ সময়তে বৃহস্পতিবাৰে ওদালগুৰিৰ ৰৌতাত আক্ৰাছুৰ মুখ্য ভৱনত এক সংবাদমেল সম্বোধন কৰে সদৌ কোচ-ৰাজবংশী ছাত্ৰ সন্থাৰ অতুল বৰ্মণ গোটে।
সংবাদমেলত ছয় জনগোষ্ঠীক জনজাতিকৰণৰ নামত কেন্দ্ৰই প্ৰতাৰণা কৰাৰ অভিযোগ উত্থাপন কৰে সংগঠনটোৱে। সংবাদমেলত উপস্থিত থাকি সংগঠনটোৰ কেন্দ্ৰীয় সভাপতি অতুল বৰ্মণে কয় চৰকাৰে যদি ছয় জনগোষ্ঠীক সচাঁকৈয়ে জনজাতিকৰণ কৰিব বিচাৰিছে তেন্তে পূৰ্বৰেপৰা জনজাতিকৰণৰ আওতাত থকা জনজাতিসকলৰ দৰে পূৰ্ণ পৰ্যায়ৰ জনজাতিকৰণৰ মৰ্যাদা প্ৰদান কৰক।
