105
চৰাইদেউঃ চৰাইদেউ জিলাৰ বৰহাট আৰক্ষী থানাৰ অন্তৰ্গত বহু অঞ্চলত আৰক্ষী আৰু আবকাৰী বিভাগৰ মৌনতাৰ পূৰ্ণ সুযোগ লৈ সমাজৰ এচাম অসাধু ব্যৱসায়ীয়ে মদ-জুৱাৰ অবাধ বেহা চলোৱা পৰিলক্ষিত হৈছে। আইন-শৃঙ্খলা সদায় অটুট ৰখাৰ চেষ্টা চলোৱাত ব্ৰতী বুলি কৈ অহা ৰাজ্য চৰকাৰৰ আৰক্ষী আৰু আবকাৰী বিভাগ অঞ্চলটোত আজিৰ তাৰিখত চূড়ান্তভাৱে ব্যৰ্থ হোৱাৰো অভিযোগ উত্থাপিত হৈছে।
বিশেষকৈ বৰহাটৰ পাৰ্শ্বৱৰ্তী অঞ্চলত বিশেষকৈ বৰহাটৰ সাপ্তাহিক বজাৰ, ৰে’ল ষ্টেচন, টিটলাগড় পাঁচ আলি, বৰহাট চাহ বাগিচা, ভূঞাখাত, বৰাছালি, চৰাইপুং আদি অঞ্চলসমূহত আৰক্ষী আৰু আবকাৰী বিভাগৰ আশীৰ্বাদত মুক্তভাৱেই অবৈধ সুৰাৰ ব্যৱসায়ীকসকলে নিতৌ ব্যৱসায় চলাই যোৱাত অঞ্চলসমূহৰ সচেতন ৰাইজ স্তম্ভিত হৈ পৰিছে।
