নেতাৰ পুত্ৰৰ ৪০খন গোপন ফটোৱে কিদৰে সলনি কৰিছিল ১৯৭৭-৭৮ৰ ৰাজনীতি?

১৯৭৫ চনৰ জৰুৰীকালীন অৱস্থা ঘোষণাৰ পিছতে ১৯৭৭ চনত ভাৰতীয় কংগ্ৰেছলৈ নামি আহিছিল পৰাজয়ৰ ধুমুহা। স্বয়ং প্ৰধানমন্ত্ৰী ইন্দিৰা গান্ধীয়েই এই নিৰ্বাচনত ৰায়বৰেলী সমষ্টিত পৰাজয়ৰ সন্মুখীন হ’বলগীয়া হৈছিল। সমান্তৰালভাৱে তেওঁৰ পুত্ৰ সঞ্জয় গান্ধীয়েও বিফলতাৰ সন্মুখীন হৈছিল আমেথি সমষ্টিত।

২১ মহীয়া জৰুৰীকালীন অৱস্থাৰ মাজতে অনুষ্ঠিত হোৱা ১৯৭৭ চনৰ লোকসভা নিৰ্বাচনত জনতা এলায়েন্সে সংখ্যাগৰিষ্ঠতা লাভ কৰি ৮১ বছৰ বয়সত দেশৰ চতুৰ্থগৰাকী প্ৰধানমন্ত্ৰীহিচাপে শপত গ্ৰহণ কৰে মোৰাৰজী দেশাইয়ে। কিন্তু এই মিত্ৰজোঁটৰ চৰকাৰৰ ভেটিলৈও লাহে লাহে নামি আহিছিল খহনীয়া। সমান্তৰালভাৱে পৰাজয়ৰ গৰ্ভৰ পৰা লাহে লাহে মূৰ দাঙি থিয় হোৱাৰ সুযোগ লাভ কৰে ইন্দিৰা গান্ধীয়ে।