মাৰ্ঘেৰিটাঃ ৰাজ্যত সংঘটিত হৈ আছে ইটোৰ পিছত সিটো ধৰ্ষণ কাণ্ড৷ চৰকাৰে ধৰ্ষণ ৰোধ কৰাৰ চেষ্টাৰে নতুন আইন প্ৰণয়ন কৰিছে যদিও ওৰ পৰা নাই ধৰ্ষণৰ দৰে জঘন্য কাণ্ডৰ৷ বৰং দিনক দিনে বৃদ্ধি পোৱাহে পৰিলক্ষিত হৈছে৷ 

►পঢ়িবলৈ ক্লিক কৰক- শিৱসাগৰত ক'লা মিলিটাৰীৰ সন্ত্ৰাস, আক্ৰান্ত ৪০০

আমাৰ ৰাজ্যখনৰ লগতে সমগ্ৰ দেশতে ধৰ্ষণৰ ঘটনা সংঘটিত হোৱাৰ বাতৰি আৰু তাৰ বিৰুদ্ধে চলা প্ৰতিবাদৰ বাতৰি প্ৰচাৰ হোৱাৰ বিপৰীতে ধৰ্ষণক অস্ত্ৰ হিচাপ লৈ ব্যক্তিগত স্বাৰ্থ পূৰণৰ চেষ্টা চলোৱাৰো অভিযোগ উত্থাপিত হৈছে৷ নগাঁৱৰ নৱম শ্ৰেণীৰ ছাত্ৰী এগৰাকীয়ে চাৰি যুৱকৰ বিৰুদ্ধে উত্থাপন কৰা ধৰ্ষণৰ অভিযোগ মিছা বুলি প্ৰমাণিত হোৱাৰ পিছতেই এইবাৰ মাৰ্ঘেৰিটাৰ দুই যুৱকে পুনৰ ধৰ্ষণৰ অভিযোগ অস্বীকাৰ কৰাৰ পিছতেই সচেতন মহলে নতুনকৈ কথাবোৰ চিন্তা কৰিবলৈ বাধ্য হৈছে৷

সমাজত সংঘটিত জঘন্য কাণ্ডক কোনেও সমৰ্থন কৰিব নোৱাৰে যদিও দুই এটা ধৰ্ষণৰ অভিযোগ ব্যক্তিগত আখেজ নতুবা পৰিয়ালৰ শত্ৰুতা পূৰণৰ বাবেও উত্থাপিত হৈছে বুলিও চৰ্চা হৈছে৷ 

►পঢ়িবলৈ ক্লিক কৰক-  কণী নাখাব, চৰকাৰৰ মতে কণী অখাদ্য

উল্লেখ্য যে, মাৰ্ঘেৰিটাৰ এগৰাকী ১৪ বছৰীয়া কিশোৰীয়ে বিকাশ প্ৰধান আৰু ৰিকাশ শৰ্মা নামৰ দুই যুৱকৰ বিৰুদ্ধে ধৰ্ষণৰ অভিযোগ তুলি এজাহাৰ দাখিল কৰে৷ কিশোৰীগৰাকীৰ অভিযোগ মতে বিহুৰ অনুষ্ঠান চাই ঘৰলৈ উভতাৰ পথত যুৱক দুজনে কিশোৰীগৰাকীক অপহৰণ কৰি নামদাং চাহ বাগিচালৈ লৈ যায় আৰু তাত কিশোৰীগৰাকীক ধৰ্ষণ কৰে৷  

►পঢ়িবলৈ ক্লিক কৰক-  শিৱসাগৰত ক'লা মিলিটাৰীৰ সন্ত্ৰাস, আক্ৰান্ত ৪০০

ইফালে কিশোৰীগৰাকীৰ এজাহাৰৰ ভিত্তিত আৰক্ষীয়ে আটক কৰা দুই যুৱক বিকাশ প্ৰধান আৰু ৰিকাশ শৰ্মাই বলাৎকাৰৰ অভিযোগ অস্বীকাৰ কৰে৷ 
এতিয়া আৰক্ষীৰ তদন্তৰ পিছতহে প্ৰকৃত সত্য পোহৰলৈ আহিব বুলি স্থানীয় লোকে মত প্ৰকাশ কৰিছে৷