85
সৰভোগঃ ৰাৱণ নাথ। কলাগুৰু বিষ্ণু ৰাভাৰ বন্ধু। মাত্ৰ অষ্টম শ্ৰেণীলৈ পঢ়া এইজন ব্যক্তিয়ে হ’ল কলকাতাৰ “His Master’s Voice” কোম্পানীত গীত ৰেকৰ্ড কৰা প্ৰথম অসমীয়া। এইজন মহান শিল্পীয়ে ১৯৩৬ চনৰ ২৯ এপ্ৰিলত গান ৰেকৰ্ড কৰাৰ পূৰ্বেও ১৯২৮ আৰু ১৯৩২ চনত একে উদ্দেশ্য লৈ দুবাৰকৈ কলকাতালৈ গৈছিল যদিও সফল নহ’ল।
তেওঁৰ সৰ্বমূঠ ৩৬খন ৰেকৰ্ডৰ ২খন বাদে ৩৪খনেই স্বৰচিত। শিল্পীগৰাকীয়ে জ্যোতিপ্রসাদৰ জয়মতী বোলছবিত অভিনয় কৰিবলৈ যাওঁতে অসুস্থ হৈ ঘৰলৈ উভতি আহে। জয়মতী মুক্তি পোৱাৰ কেইমাহমান আগতে ১৮৫৮ শকৰ জেঠ মাহৰ আৱাহনত ৰাৱণ নাথৰ ‘হাস্যৰসত অসমীয়া ডেকা শিল্পী’ শিৰোনামাৰে হাস্য-ব্যংগৰ ১০খন ফটো ওলাইছিল। ফটো দেখি জ্যোতিপ্ৰসাদ আগৰৱালাই কৈছিল- আমাৰ চিনেমাই মুক্তি লাভ কৰাৰ আগতেই ৰাৱণ নাথৰ চিনেমা নিৰ্মাণ হ’ল।
