নতুন দিল্লীঃ এয়াৰ ইণ্ডিয়াৰ কৰ্মচাৰীক আক্ৰমণ শিৱসেনা সাংসদৰ৷ বৃহস্পতিবাৰে দিল্লীৰ বিমান বন্দৰত সংঘটিত হয় এই ঘটনা৷ মহাৰাষ্ট্ৰৰ ওচামাবাদ সমষ্টিৰ সাংসদ ৰবীন্দ্ৰ গাইকোৱাডে বিজনেচ ক্লাচত ভ্ৰমণ কৰিব নোৱাৰাৰ বাবেই প্ৰতিষ্ঠানটোৰ এজন কৰ্মচাৰীক চেণ্ডেলেৰে প্ৰহাৰ কৰে৷
সাংসদজনে পুণাৰ পৰা দিল্লীলৈ ইক’নমি ক্লাছত যাত্ৰা কৰাৰ পিছতেই এই ঘটনা সংঘটিত কৰে৷ তদুপৰি সাংসদজনে প্ৰতিষ্ঠানটোৰ কৰ্মচাৰীসকলে তেওঁক ক্ষমা খোজাৰো দাবী জনায়৷ আনহাতে সাংসদজনৰ এনে কাৰ্যত ক্ষোভিত হৈ পৰিছে এয়াৰ ইণ্ডিয়াৰ কৰ্মচাৰীসকল৷
সাংসদজনে কৰ্মচাৰীজনক ২৫ বাৰলৈকে চেণ্ডেলেৰে প্ৰহাৰ কৰা বুলি অভিযোগ উত্থাপন কৰিছে কৰ্মচাৰীসকলে৷ অতি সোনকালে সাংসদজনৰ বিৰুদ্ধে ব্যৱস্থা গ্ৰহণ কৰিব বুলি জনাইছে এয়াৰ ইণ্ডিয়াৰ কৰ্তৃ্পক্ষই৷