এণ্ডী আৰু নেলীয়ে বিতৰন কৰিলে টৰ্চ লাইট

বঢ়মপুৰঃ হাতী-মানুহৰ সংঘাট ৰাজ্য খনৰ বাবে এক চিন্তাৰ কাৰণ হৈ পৰিছে৷ প্ৰতিদিনে ৰাজ্যৰ কোনোবা নহয় কনোবা ঠাইত হাতী মানুহৰ সংঘাটত জীৱন-সম্পত্তিৰ ক্ষতি হয়৷ খাদ্যৰ সন্ধানত জন অৰণ্যলৈ ওলাই অহা হাতীৰ জাকে দৰিদ্ৰ কৃষকৰ হাজাৰ হাজাৰ বিঘা কৃষি ভূমি বিনষ্ট কৰাৰ লগতে ঘৰ-বৰ, ভাঙি পেলায়৷

ইমানে নহয় বহু লোকক হত্যা কৰি আহিছে৷ মাতী-মানুহৰ প্ৰত্যক্ষ সংঘাটৰ ফলত হাতীৰো মৃত্যু হৈ আহিছে৷ তাৰ পিছতো ৰাজ্যৰ কোনো দলৰ চৰকাৰ তথা বন বিভাগে ব্যৱস্থা কৰা দেখা নাযায়৷ তাৰ বিপৰীতে দুগৰাকী বিদেশী পৰ্যটকে তথা হস্তী বিশেষজ্ঞই চামগুৰিৰ বৃহত্তৰ চাপানালা অঞ্চলত ৰাইজৰ মাজত কিছু সামগ্ৰী বিতৰণ কৰি দ্বায়িত্ববোধ আৰু মানৱতাৰ নিদৰ্শন দাঙি ধৰিলে৷