কাঠমিস্ত্ৰিয়ে পেলনীয়া প্লাষ্টিকৰপৰা প্ৰস্তুত কৰিলে ইন্ধন

নলবাৰীঃ বৰক্ষেত্ৰী সমষ্টিৰ মুকালমুৱাৰ লাৰকুছিৰ এগৰাকী কাঠমিস্ত্ৰিয়ে পেলনীয়া প্লাষ্টিকৰপৰা উদ্ভাৱন কৰিছে ইন্ধন। লাৰকুছি গাঁৱৰ অতি দৰিদ্ৰ পৰিয়ালৰ খুৰছেদ আহমেদ নামৰ কাঠমিস্ত্ৰি গৰাকীয়ে কোনো প্ৰযুক্তি বিদ্যা নোহোৱাকৈ পেলনীয়া প্লাষ্টিকৰপৰা ইন্ধন প্ৰস্তুত কৰি নিজৰ বুদ্ধিৰ পৰিচয় দাঙি ধৰে।

এটা বন্ধ ড্ৰামত প্লাষ্টিক সমূহ ভৰাই তপতাই লৈ তেওঁ সাজি উলিওৱা পদ্ধতিৰে ক্ৰমে পেট্ৰল, ডিজেল, কেৰাচিন, কাৰ্বন গেছ আদি প্ৰস্তুত কৰে।খুৰছেদৰ প্ৰচেষ্টাত প্ৰস্তুত হোৱা এই পেট্ৰল, ডিজেল পৰীক্ষামুলকভাৱে স্থানীয় যুৱক সকলে বাইক, টেম্প’ আদিত ব্যৱহাৰ কৰি পৰীক্ষা কৰিছে।