পশ্চিম কাৰ্বি আংলঙৰ বৈঠালাংছ’ বিধানসভা সমষ্টিত বিজেপিৰ প্ৰাৰ্থী হৰেনছিং বে’ক উষ্ম আদৰণি

কনক দেউৰী,খেৰণিঃ ডিফু সংসদীয় সমষ্টিৰ বিজেপিৰ প্ৰাৰ্থী হৰেনছিং বে’ক আজি উষ্ম আদৰণি জনায় পশ্চিম কাৰ্বি আংলঙৰ বৈঠালাংছ’ বিধানসভা সমষ্টিত৷ উৎফুল্লিত জনতাই উৎসাহ-উদ্দীপনাৰে সাংস্কৃতিক নৃত্য গীতেৰে প্ৰথমে খেৰণি ফৰেষ্ট বজাৰত প্ৰাৰ্থীগৰাকীক আদৰণি জনোৱাৰ পিছতে বিশাল মটৰ চাইকেল, বাহন আদিৰ ৰেলীৰে খেৰণি ফৰেষ্ট বজাৰৰ পৰা বৈঠালাংছলৈ আদৰি অনা হৰেনছিং বে’ক খেৰণি, জেংখা, কলঙা, ডংকামোকাম, বৰথল আদি স্থানত উষ্ম আদৰণি জনাই সমষ্টিবাসীয়ে।