Newsnextone | ডিজিটেল ডেস্কঃ বিগত এমাহৰ ভিতৰতে ৰং সলালে হোৱাটএপে। চ’চিয়েল মেচেজিং এপটোত দেখা গৈছে বিভিন্ন ধৰণৰ সালসলনি। আগবঢ়োৱা হৈছে বিভিন্ন ধৰণৰ সা-সুবিধা৷ ইয়াৰ ভিতৰত সুৰক্ষা তথা গ্ৰুপ এডমিনৰ বাবে নতুন সুবিধা দিয়ে হোৱাটচএপে৷ হোৱাটচএপ ব্যৱহাৰীসকলে এই বিষয়ে অৱগত হোৱাটো ভাল৷ হোৱাটচএপত নতুনকৈ ছয়টা সুবিধা প্ৰদান কৰা হৈছে৷ সেইবোৰৰ বিষয়ে তলত দিয়া ধৰণেঃ
 
♦ গ্ৰুপ ডেচক্ৰিপছনঃ
ৱাটচএপত নতুনকৈ অহা গ্ৰুপ ডেচক্ৰিপছন পদ্ধতিত হোৱাটচএপৰ গ্ৰুপৰ বিষয়ে বৰ্ণনা কৰিব পাৰি৷ গ্ৰুপ খোলাৰ কাৰণ জানিব পাৰি অই পদ্ধতিৰ দ্বাৰা৷ ইয়াৰ বাবে গ্ৰুপৰ নামত ক্লিক কৰিলে তলত বৰ্ণনাৰ বিষয়ে বিকল্প পোৱা যাব৷  

♦ গ্ৰুপ আইকন সলনি কৰাঃ
কোন কোন সদস্যই গ্ৰুপত ফটো, বৰ্ণনা সলনি কৰিব তাৰ বাবে কেৱল এডমিনেহে সিদ্ধান্ত ল’ব পাৰিব৷ অন্যথা এডমিনৰ বিনা অনুমতিত গ্ৰুপৰ সদস্যসকলে এই সিদ্ধান্ত ল’ব নোৱাৰে৷ 

♦ লাইভ ল’কেশ্বন শ্বেয়াৰঃ  
বিভিন্ন কাৰণত ঠাই বিচাৰি মানুহে সমস্যাত পৰে৷ বৰ্তমানে ক’ৰবালৈ গ’লে নতুবা পৰিয়াল, বন্ধুসকলক ঠাইখনক লাইভ কৰি পঠাই দিব পাৰি৷ ৱাটচএপত থকা ফটোৰ আইকনৰ কাষৰ এটেছমেন্টত ক্লিক কৰি শ্বেয়াৰ কৰিবলৈ সুবিধা কৰি দিয়া হৈছে৷ 

♦ ভূলতে প্ৰেৰণ কৰা মেছেজ ডিলিটঃ 
ভূলতে কোনো মেছেজ গুচি গ’লে মেছেজটোৰ ওপৰত চেলেক্ট কৰি তাক ডিলিট কৰিব পৰা যায়৷ ডিলিট কৰাৰ সময়ত ‘Delete for me’ আৰু ‘Delete for everyone’ দুটাকৈ বিকল্প পোৱা যাব৷ তাৰ ভিতৰত দ্বিতীয়টো বিকল্পত ক্লিক কৰিলে মেছেজটো আতৰি যাব৷ 

♦ মেছেজৰ চ্যাটত পিনঃ
সঘনাই মেছেজ দিয়াজনৰ চ্যাটখিনি অলপ সময় ক্লিক কৰি ধৰিলে ওপৰত পিনৰ বিকল্প পোৱা যাব৷ কমেও তিনিটাকৈ চ্যাটত পিন লগোৱাৰ ব্যৱস্থা কৰা হৈছে৷  

♦ ফটো সম্পাদনঃ 
ফটো প্ৰেৰণ কৰিবলৈ ফটো এডিট কৰিব পাৰি৷ প্ৰেৰণ কৰিবলগীয়া ফটোখন বাচনি কৰি ওপৰত ক্ৰপ, ইম’জি আৰু পেনৰ চিহ্নত গৈ ফটোখন এডিট কৰাৰ সুবিধা কৰা হৈছে হোৱাটচএপত৷

♦ হোৱাটচএপৰ চৰ্টকাটঃ
কোনো ব্যক্তিয়ে অধিক চ্যাট কৰি থকা অৱস্থাত চৰ্টকাৰ্ট পদ্ধতিত বনাই ল’ব পাৰে৷ এই পদ্ধতিৰ সুবিধা এইটোৱে যে ব্যক্তিজনলৈ চ্যাট কৰি থকা তেখেতৰ ফটো ম’বাইলৰ স্ক্ৰীনত আইকন হিচাপে অন্তভূক্ত হ’ব৷ ফলত এপচ্ অন নকৰাকৈ মেছেজৰ উত্তৰ দিয়াত সহজ হ’ব৷ 

♦ ​বেলেগ বেলেগ ভাষাত বাৰ্তা প্ৰেৰণ কৰিব পাৰিঃ
হিন্দী, ইংৰাজী, মাৰাঠী ৰ ভাষাত চেট্ কৰিব পাৰি৷ ইয়াক কৰিবলৈ Settings > Chats > App Language গৈ ভাষা বাচি ল’ব পৰা যায়৷