56
গুৱাহাটীঃ মৃত্যু আহে জীৱনলৈ গোপনে গোপনে৷ মৃত্যু ৰৈ থাকে এছাটি বতাহ হৈ অট্টালিকাৰ ছাদত৷ মৃত্যু ৰৈ থাকে এটা ছাঁ হৈ ব্যস্ত ৰাজপথত৷ সুযোগ পালেই যিয়ে কোঙা কৰে সপোনৰ দুই হাত৷ সুযোগ পালেই মৃত্যুৱে কাঢ়ি লৈ যায় দুওঁঠৰ মাত৷ শনিবাৰে মাজনিশাও মৃত্যুৰ ছাঁই কাঢ়ি লৈ গ’ল লাহে লাহে জ্বলি উঠা এটি তৰাৰ দীপ্তি৷
বিশ্বৰ আজৱ খবৰ দি জনপ্ৰিয় হৈ পৰা উদীয়মান সাংবাদিক ৰীমা শৰ্মা আৰু নাই। বিশ্বৰ বিভিন্ন প্ৰন্তৰ আজৱ খবৰ প্ৰচাৰ কৰি জনপ্ৰিয় হৈ পৰা ৰীমা শৰ্মাই নিয়তিৰ ওচৰত হাৰ মানিলে। শনিবাৰে নিশা মহানগৰীত এক পথ দুৰ্ঘটনাত পতিত হৈ ৰীমাই অকালতে প্ৰাণ হেৰুৱায়।
