দেশৰ একমাত্ৰ সৎ ব্যক্তি আখ্যা দি হিমন্তক কটাক্ষ গগৈৰ

গুৱাহাটীঃ দেশত এতিয়া এজনেই সৎ মানুহ আছে, সেইজন হৈছে বৰ্তমানৰ অসম চৰকাৰৰ মন্ত্ৰী হিমন্ত বিশ্ব শৰ্মা। এই মন্তব্য শাসক দলৰ কোনো মন্ত্ৰী বিধায়ক অথবা নেতা-পালিনেতাৰ নহয়। এই মন্তব্য প্ৰাক্তন মুখ্যমন্ত্রী তৰুণ গগৈৰ।

গগৈ চৰকাৰৰ এসময়ৰ মন্ত্ৰী হিমন্ত বিশ্ব শৰ্মাই বিজেপি দলত গমন কৰাৰ পিছত হিমন্ত আৰু গগৈৰ ৰাজহুৱা বাক যুদ্ধ সৰ্বজনবিদিত। মঙলবাৰে প্ৰাক্তন মুখ্যমন্ত্ৰী তৰুণ গগৈয়ে তেওঁৰ কইনাধৰাস্থিত চৰকাৰী বাসভৱনত অনুষ্ঠিত কৰা এক সংবাদ মেলত অসম চৰকাৰৰ মন্ত্ৰী হিমন্ত বিশ্ব শৰ্মাৰ বিৰুদ্ধে কেতবোৰ বিস্ফোৰক অভিযোগ উত্থাপন কৰে প্ৰাক্তন মুখ্যমন্ত্ৰী গগৈয়ে।