57
ঢেকীয়াজুলিঃ এদিনৰ বাবে ছাৰ হল ৰাজ্য চৰকাৰৰ অতিৰিক্ত মুখ্য সচিব এম জি ভি কে ভানুৱে৷ ভানু ছাৰক শুকুৰবাৰে শোণিপুৰত দেখা গ’ল শিক্ষকৰ ৰূপত৷ শোণিতপুৰৰ বিদ্যালয়ৰ গুণোৎসৱৰ পৰ্যবেক্ষক ৰূপে উপস্থিত থাকি ভানুৱে ভি ভি আই পি আতিথ্য পাহৰি চৰকাৰৰ বিষয়া আমোলাক শিক্ষা বিভাগৰ গুণোৎসৱত মনোনিৱেশ কৰাৰ আহ্বান জনায়৷
ৰাজ্যত অনুষ্ঠিত তৃতীয় পৰ্যায়ৰ গুণোৎসৱত ঢেকীয়াজুলি প্ৰাথমিক শিক্ষা খণ্ড এলেকাৰ অসম-অৰুণাচল সীমান্তৰ বাতাসিপুৰৰ বহু কেইখন বড়ো মাধ্যমৰ চৰকাৰী বিদ্যালয়ত গুণোৎসৱৰ কাৰ্যসূচীত মুখ্য সচিব এম জি ভি কে ভানু উপস্থিত হৈ বিদ্যালয়ৰ শৈক্ষিক, আন্তগাঁঠনি, স্বচ্ছতাৰ দিশ সমূহৰ ওপৰত পৰ্যবেক্ষন কৰে৷
