খাৰুপেটীয়াত আমছুৰ প্ৰতিষ্ঠা দিৱস আৰু অধিৱেশনৰ ব্যাপক প্ৰস্তুতি

খাৰুপেটীয়াঃ সদৌ অসম সংখ্যালঘু ছাত্ৰ ইউনিয়নৰ ১৪ সংখ্যক অধিৱেশন আৰু ৩৮ সংখ্যক প্ৰতিষ্ঠা দিৱস দৰঙৰ খাৰুপেটীয়া মহাবিদ্যালয়ৰ মৰহুম বি, এম হামিদুৰ ৰহমান সমন্বয় ক্ষেত্ৰত অনুষ্ঠিত কৰিবলৈ প্ৰস্তুতি চলোৱা হৈছে৷

অহা ৩১ মাৰ্চ, ১ আৰু ২ এপ্ৰিলত তিনি দিনীয়া বৰ্ণাঢ্য কাৰ্যসূচীৰে অনুষ্ঠিত কৰিবলৈ দৰং জিলা আমছুৰ উদ্যোগত অভ্যৰ্থনা সমিতিৰ লগতে স্থানীয় ৰাইজে ব্যাপক যো-জা চলাই আছে৷ প্ৰায় ২৫ হাজাৰ লোকৰ সমাগম হ’ব পৰাকৈ বৃহৎ অস্থায়ী সভা গৃহ নিৰ্মাণৰ কামত প্ৰায় দুশ গৰাকী আমছু কৰ্মীৰ ৰাইজে দিনে নিশাই কাম কৰি আছে।