65
নতুন দিল্লীঃ ভাৰতীয় ফুটবল ইতিহাসত চমকপ্ৰদ সাফল্য লাভ কৰিবলৈ সক্ষম হৈছে ঘৰুৱা ফুটবল দলটোৱে৷ প্ৰায় দুটা দশকৰ মুৰত ফিফাৰ ৰেংকিঙত ১০১ নং স্থান দখলেৰে দেশখনলৈ সুখবৰ কঢ়িয়াইছে দলটোৱে৷ ফিফাই বৃহস্পতিবাৰে সদৰি কৰা ৰেংকিঙৰ তালিকাত ৩১ টা স্থান আগুৱাই ১০১ নং স্থান দখল কৰি এছিয়া পৰ্যায়ত ১১নং স্থানলৈ উন্নীত হৈছে দলটো৷
এছিয়াৰ দেশসমুহৰ ভিতৰত প্ৰথম স্থানত আছে ইৰান৷ এতিয়া জৰ্ডান ,ওমান আৰু কোৰিয়াৰ দৰে আগশাৰীৰ দলকো চেৰ পেলাইছে দলটোৱে৷ ফুটবল দলটোৰ বাবে আন এক ভাল খবৰ হৈছে সংযুক্ত আৰব এমিৰেটছত ২০১৯ ত অনুষ্ঠিত হ’বলগীয়া এএফছি এছিয়ান কাপত খেলাৰ সুযোগ পাইছে দলটোৱে৷
