জ্ঞান আৰু ন্যায়পৰায়ণতা…

জ্ঞান সাধনাকেই যিসকল লোকে জীৱনৰ সাধনা বুলি ভাবে, তাৰ ভিতৰত আধুনিক অসমৰ আটাইতকৈ উল্লেখযোগ্য নামটো হ’ল কৃষ্ণকান্ত সন্দিকৈ। তেওঁৰ নামৰ আগত ‘পণ্ডিতপ্ৰৱৰ ‘ শব্দৰ সংযোগে ইয়াক অধিক মহিমামণ্ডিত কৰিছে। শৈশৱৰ পৰা জীৱনৰ শেষ সময়ছোৱালৈকে নিয়মানুবৰ্তিতা আৰু শৃংখলাৰ তেওঁ এক বিশেষ উদাহৰণ আছিল। আজিৰ পৰিচালনা বিদ্যা (management studies) ৰ সৈতে তেওঁৰ কিমান পৰিচিতি আছিল, সেয়া কোৱা টান। কিন্তু এই পৰিচালনা বিদ্যাৰ দুটা বিশেষভাৱে প্ৰভাৱশীল ধাৰণা তেওঁ নিজৰ জীৱনত প্ৰযোজ্য বুলি কৈ গৈছিল। এটা হ’ল আত্ম-বিশ্লেষণ (self analyse)। আৰু দ্বিতীয়টো হ’ল আত্ম-সমালোচনা ( self criticism)।