51
newsnextone.com | ডিজিটেল ডেস্কঃ ২০১৯ৰ লোকসভা নিৰ্বাচনৰ দিন চমু চাপি অহাৰ লগে লগে শাসকীয় আৰু বিৰোধী দলৰ মাজত তুমুল প্ৰতিদ্বন্দিতা সৃষ্টি হোৱা পৰিলক্ষিত হৈছে৷ তদুপৰি আগন্তক নিৰ্বাচনত নিজ নিজ দলক জয়যুক্ত কৰাৰ স্বাৰ্থত লোকপ্ৰিয়তা অৰ্জনৰ ক্ষেত্ৰতো দলীয় নেতা মন্ত্ৰী সকল উঠি পৰি লগা দেখিবলৈ পোৱা গৈছে৷
বিশেষকৈ কেন্দ্ৰীয় শাসকীয় দলৰ নেতা অমিত শ্বাহ, প্ৰধানমন্ত্ৰী নৰেন্দ্ৰ মোডীয়ে পুনৰ এবাৰ জয়যুক্ত হৈ কেন্দ্ৰত চৰকাৰ গঠনৰ বাবে ন ন কৌশল অৱলম্বন কৰি নাগৰিকৰ মন জয় কৰাৰ বাবে চেষ্টা চলাই গৈছে৷ ইফালে পিছ পৰি ৰোৱা নাই বিৰোধী দল কংগ্ৰেছৰ অধ্যক্ষ ৰাহুল গান্ধীও৷ আগন্তক নিৰ্বাচনত তেওঁ প্ৰধানমন্ত্ৰী হিচাপে প্ৰতিদ্বন্দিতা আগবঢ়াই কেন্দ্ৰৰ এনডিএ চৰকাৰক উভৰাই শাসকৰ গাদী দখল কৰাৰ ৰণত নামি পৰিছে৷
