পাঁচদিনৰ অন্তত আলফাই মুক্তি দিলে পবিত্ৰ গগৈক

ডিজিটেল ডেস্ক |লিডুঃ অসম অৰুণাচল সীমান্তৱৰ্তী জাগুনত যোৱা ১৩ অক্টোৱৰত সংঘটিত হৈছিল এক চাঞ্চল্যকৰ অপহৰন কাণ্ড৷ সন্দেহযুক্ত আলফা(স্বা) ৰ প্ৰায় ১৬ জনীয়া এটা অস্ত্ৰধাৰী দলে ২ নং ফানেংৰ পবিত্ৰ গগৈ উৰফে টিকিৰাক শোৱা পাটিৰ পৰাই অপহৰণ কৰি নিয়া ঘটনাই আজি পাঁচটা দিন অতিক্ৰম কৰাৰ পাছত অৱশেষত আলফা(স্বা) ই পবিত্ৰ গগৈ ওৰফে টিকিৰাক মুকলি কৰি দিয়ে৷

আজি অৰুণাচলৰ চাংলাং জিলাৰ লংভি নামে গাৱত আলফাই পবিত্ৰ গগৈক মুকলি কৰি দিয়াৰ পিছতেই স্বস্তিৰ নিশ্বাস এৰে পৰিয়াল আৰু প্ৰশাসনে৷ কি কাৰণে এগৰাকী সামান্য ব্যৱসায়ীক আলফাই এনেদৰে অপহৰণ কৰিছিল তাক লৈ সচেতন ৰাইজৰ মনত শংকাৰ সৃষ্টি হৈ থকাৰ সময়তে অপহৃত কৱলৰ পৰা মুক্তি পোৱা পবিত্ৰই সংবাদ মাধ্যমক দিলে স্পষ্ট স্বীকাৰোক্তি৷