ৰাষ্ট্ৰীয় মৰ্যাদাৰে ভান্তেবাবাৰ শেষকৃত্য সম্পন্ন

লিডুঃ আজি মোলাং খামটি মন্দিৰৰ প্ৰসিদ্ধ বৌদ্ধ ভিক্ষু ইউ গুণাৱন্ত মহাথেৰৰ অন্তিম শেষকৃত অনুষ্ঠান সম্পন্ন হয়৷ হাজাৰ হাজাৰ ভক্তৰ লগতে  অনুগামীৰ উপস্থিতিত সম্পূৰ্ণ ৰাজ্যিক মৰ্যাদাৰে প্ৰসিদ্ধ বৌদ্ধ ধৰ্মগুৰুগৰাকীৰ শেষকৃত সম্পন্ন কৰা হয়৷ ২০ ডিচেম্বৰৰপৰা তিনিদিনীয়া বৰ্ণাধ্য কাৰ্যসূচীৰে বৌদ্ধ ভিক্ষুগৰাকীৰ ধৰ্মীয় অন্তোষ্টিক্ৰিয়া ”পয় লেং”ৰ আজি সফল পৰিসমাপ্তি ঘটিল৷ 

অসমৰ পূব প্ৰান্তৰৰ তিনিচুকীয়া জিলাৰ লিডু মোলাং খামটি গাঁৱত কেইবাদশক জুৰি বসবাস কৰাৰ লগতে সমগ্ৰ দেশখনতে মৈত্ৰী, ভাতৃত্ববোধ আৰু অহিংসাৰ বাণীৰে জনসাধাৰনৰ মন জয় কৰা মহাগুৰু ইউ গুণাৱন্ত মহাথেৰ অৱশেষত বৈকুন্ঠ ধামলৈ গতি কৰিলে৷