ষাঠি বছৰীয়া বৃদ্ধই ৰাস্তাৰ দাঁতিত ৰৈ সংবাদ মাধ্যমৰ কেমেৰাৰ আগত হুকহুকাই কান্দিছে…. কিন্তু কিয়??

মৰিয়নীঃ এজাক বৰষুণৰ পাছতে জীয়াতু ভোগিছে মৰিয়নী ২ নং ৱাৰ্ড গান্ধীনগৰ বাসী ৰাইজে৷ পৰিকল্পনা অবিহনে তৈয়াৰ কৰা নলানৰ্দমাৰ ফলত কৃত্ৰিমবানত ডুব গ’ল গান্ধীনগৰৰ বৃহৎ এলেকা৷ মৰিয়নী পৌৰ সভাৰ অবিজ্ঞান সন্মতভাৱে নলা-নৰ্দমা সমূহ নিৰ্মাণ কৰাৰ বাবেই নগৰখনত প্ৰতি বছৰে সৃষ্টি হয় কৃত্ৰিম বান বাটপথবোৰ নষ্ট হোৱাৰ লগতে বানৰ ফলত জীয়াতু ভুগিছে নগৰবাসীয়ে।

গান্ধীনগৰৰ বাটপথৰ বেয়া হোৱাৰ বাবে সঘনাই ছাত্ৰ-ছাত্ৰী সকলে বিদ্যালয় যোৱাৰ সময়ত জ্বলা কলা খুৱাইছে। গান্ধীনগৰৰ লোক সকলৰ ঘৰলৈ বুলি অহাযোৱা কৰা যানবাহন চলাচল কৰাত বাধা সৃষ্টি হোৱাৰ উপৰিও৷ নিশাৰ ভাগত হোৱা বৰষুণৰ পিছত বিদ্যালয়ৰ ছাত্ৰ-ছাত্ৰী শ্ৰেণী কোঠালৈ যোৱাৰ বিপৰীতে ঘৰলৈ ঘূৰি যাবলগীয়া হৈছে পথৰ দূৰাৱস্থাৰ বাবে।