নকছাৰি ভেলগুৰি চাহ বাগিচাত এটা ২ মহীয়া নাহৰফুটুকী পোৱালি উদ্ধাৰ

সপোন ৰহমান শইকীয়া, মৰিয়নীঃ শনিবাৰে দিনৰ ভাগত দেবেৰাপাৰ উপ আৰক্ষী থানাৰ অন্তগৰ্ত মঙ্গীয়াল খণ্ড বন বিষয়া কায্যলয় অন্তগৰ্ত ভেলগুৰি চাহ বাগিচাত শ্ৰমিকে বাগানত কাম কৰি থকা সময়ত এটা বাঘৰ পোৱালি বাগিচাৰ মাজত দেখা পাই বন বিভাগৰ লোকক খবৰ দিয়ে৷ 

হোলোঙাপাৰ সংৰক্ষিত গিবন অভয়াৰণ্যৰপৰা খাদ্য সন্ধানত ওলাই অহা এজনী গৰ্ভৱতী বাঘে বাগিচাৰ মাজত পোৱালি জন্ম দিয়ে, যদিও জনাঞ্চলৰ কাষৰীয়া অঞ্চল হোৱাৰ বাবে মানুহ সম্ভেদ পায় মাতৃৰপৰা বিচিন্ন হৈ যায় বুলি বন বিভাগৰ লোকে জানিবলৈ দিয়ে৷