চাঞ্চল্য! পৱিত্ৰ ৰমজান মাহত ধিঙত ইছলামধৰ্মী লোকেই জ্বলাই দিলে মছজিদ

নগাঁওঃ নগাঁও জিলাৰ ধিং থানাৰ অন্তৰ্গত শলগুৰিত চাঞ্চল্যকৰ ঘটনা৷ ইছলাম ধৰ্মাৱলম্বী লোকৰ পৱিত্ৰ ৰমজান মাহতেই মুছলমানে জ্বলালে মছজিদ। ভূমিকেন্দ্ৰিক সংঘাতৰ বাবেই সংঘটিত হ’ল এই ভয়ংকৰ কাণ্ড৷ এডোখৰ ভূমিক কেন্দ্ৰ কৰি দুটা ফৈদৰ মাজত চলা দীৰ্ঘদিনীয়া কন্দলৰ পৰিণতিতেই জ্বলি ছাই হৈ গ’ল ইছলাম ধৰ্মী লোকৰ উপাসনা গৃহ৷ 

জানিব পৰা মতে, শলগুৰিৰ জানপাৰ গাঁৱৰ আব্দুল ৰছিদ আৰু ছফিকুল ইছলামৰ পৰিয়ালৰ মাজত বহুদিনৰ পৰা এডোখৰ মাটিৰ সীমাক লৈ সংঘাত অব্যাহত আছিল৷ পৱিত্ৰ ৰমজানৰ ৰোজা পালনৰ সময়তে দেওবাৰে এই সংঘাতে চূড়ান্ত ৰূপ লয়৷ দুয়ো ফৈদে হাতে হাতে দা, লাঠি আদি লৈ যুদ্ধংদেহি হৈ পৰে৷