বোকাজানত পুনৰ ২ জনৰ দেহত কৰ’না পজিটিভ, ১২২ জনক কোৱাৰেণ্টাইন

বোকাজানঃ চীনৰ পিছতে বিশ্বৰ বিভিন্ন প্রান্তত ত্রাসৰ সৃষ্টি কৰা কৰ’না ভাইৰাছে পৰৱৰ্তী সময়ত ভাৰতৰ বিভিন্ন ৰাজ্যত মহামাৰীৰ ৰূপ ধাৰণ কৰাৰ সমান্তৰালকৈ এই ভাইৰাছৰ গ্ৰাসত বৰ্তমান কঁপিছে অসম৷ পাহাৰীয়া জিলা কাৰ্বি আংলঙৰ বোকাজান মহকুমাত আজি পুনৰ নতুনকৈ আৰু দুজন ক’ভিড-১৯ত আক্ৰান্ত ব্যক্তি চিনাক্ত হোৱাৰ লগে লগে মহকুমাটোত এই সংখ্যা ৪ জনলৈ বৃদ্ধি হয়। 

আজি চিনাক্ত হোৱা ব্যক্তি দুজন হৈছে ক্ৰমে বোকাজান আৰক্ষী থানাৰ অন্তৰ্গত ঘৰিয়ালডুবি ন-কাটাৰ বাসিন্দা ভৰত মাহাতু (২৯) আৰু বালিপথাৰ নেপেৰপেত্তিৰ বাসিন্দা গিদিঅন ম’মিন (২৪)।