ৰঙিয়াত হেপাহৰ ঘৰ

ৰঙিয়াঃ দৰিদ্ৰ, মজদুৰ, শ্ৰমিকে চৰকাৰৰ হেপাহৰ ঘৰটো কেনেকৈ পাব৷ চহৰত বাস কৰা দৰিদ্ৰ সীমা ৰেখাৰ তলৰ দৰিদ্ৰ, মজদুৰ, শ্ৰমিকসকলে প্ৰধান মন্ত্ৰী আৱাস যোজনাৰ গৃহ কেনেদৰে পাব তাকে লৈ আজি ৰঙিয়া পৌৰসভাই জন সচেতনতাৰ বাবে এক বিশেষ কাৰ্যসূচী হাতত লয়৷

‘হেপাহৰ ঘৰ’ নামৰ বাটৰ নাট প্ৰদৰ্শন কৰি ৰঙিয়া পৌৰসভাই আজি জনসাধাৰণক চৰকাৰী আঁচনিৰ বিষয়ে জনোৱাৰ চেষ্টা চলায়৷ প্ৰধান মন্ত্ৰী আৱাস যোজনা সন্দৰ্ভত প্ৰচাৰ কৰিবলৈ ৰঙিয়া পৌৰসভাৰ নাটখন পৰিচালনা কৰে নাট্যকাৰ পংকজ পল্লৱ শৰ্মাই।