55
নতুন দিল্লীঃ কৰ’না মহামাৰীৰ ফলস্বৰূপে সমগ্ৰ দেশতেই ঘোষণা কৰা হৈছে ‘লকডাউন’৷ এই ‘লকডাউন’ৰ সময়ছোৱাত জৰুৰী সেৱাসমূহক ৰেহাই দিয়া হৈছে৷ বেংকসমূহো জৰুৰী সেৱাৰ অন্তৰ্গত, সেয়ে খোলা ৰখা হৈছে বেংক৷ কিন্তু কৰ’না মহামাৰীৰ সংক্ৰমণৰ পৰা কৰ্মচাৰীসকলক ৰক্ষা কৰাৰ বাবে দেশৰ বেংকসমূহে অচিৰেই শাখাসমূহ বন্ধ কৰাৰ দৰে পদক্ষেপ ল’ব বুলি চৰ্চা চলিছে৷
সংবাদ প্ৰতিষ্ঠান ‘ৰয়টাৰ’ত বেংকৰ শীৰ্ষ বিষয়াৰ উধৃতিৰে প্ৰকাশ পোৱা খবৰ মতে বেংকসমূহে এতিয়াৰে পৰা চহৰ এলেকাত প্ৰতি ৫ কিলোমিটাৰৰ অন্তৰে অন্তৰেহে একো একোটা শাখা খোলা ৰাখিবলৈ পৰিকল্পনা কৰিছে৷ কোনবোৰ শাখা খোলা থাকিব আৰু কোনবোৰ সাময়িকভাৱে বন্ধ ৰখা হ’ব সেইবোৰ কথাও বেংকসমূহে চিন্তা-চৰ্চা কৰি আছে বুলি বাতৰিটোত প্ৰকাশ৷
