ভোটজলকীয়াৰ খেতিত অচিন ৰোগ, চিন্তিত কৃষক

বৰপথাৰঃ সৰুপথাৰ বিধানসভা সমষ্টিৰ অন্তৰ্গত প্ৰায়বোৰ গাঁৱতে ভোটজলকীয়া খেতিত বহু যুৱকে আত্মনিয়োগ কৰি নিবনুৱা সমস্যাৰ লগতে অঞ্চলটোৰ অৰ্থনৈতিক অগ্ৰগতিত অৰিহণা যোগোৱা দেখা গৈছে। বিগত বছৰত বৰপথাৰ, গেলাবিল, বিলগাঁও আদি অঞ্চলত অভিলেখ সংখ্যক ভোটজলকীয়া উৎপাদিত হোৱাটো অসমৰ কৃষিখণ্ডৰ বাবে সুঃখবৰ।

কিন্তু শেহতীয়াভাৱে এইবাৰ খেতি পথাৰত ভোটজলকীয়া গা-গছ আৰু পাত লেৰেলী পৰা এক নতুন বেমাৰে অঞ্চলটোৰ খেতি পথাৰক গুৰুতৰভাবে আক্ৰমণ কৰিছে। উক্ত বেমাৰৰ পৰা ৰক্ষা পাবলৈ ইটোৰ পাছত সিটো কীটনাশক ঔষধ প্ৰয়োগ কৰিও এতিয়ালৈকে কোনো সুফল লাভ কৰিব পৰা নাই খেতিয়কে। এইক্ষেত্ৰত ৰাজ্যৰ কৃষি বিভাগে ৰোগবিধ চিনাক্ত কৰি কৃষকৰ বাবে উপযুক্ত ব্যৱস্থা গ্ৰহণ কৰিবলৈ স্থানীয় ৰাইজে দাবী জনাইছে।