56
মুম্বাইঃ ভূপেন হাজৰিকাৰ কণ্ঠত লুইতৰ গান আমি শুনিছো। সেই উদ্দাত্ত কণ্ঠ আমাৰ সকলোৰে পৰিচিত। কিন্তু সেই একেই ইতিহাস আওৰাব লৈছে বলিউড জগতৰ বিগ-বি অমিতাভ বচ্চনে। বুঢ়ালুইতক লৈ গান গোৱাৰ কথা ছ’চিয়েল মিডিয়াযোগে প্ৰকাশ কৰিছে অভিনেতাগৰাকীয়ে৷
উক্ত সংগীত ৰচনা কৰিছে অংগৰাগ মহন্তই৷ যিটো সময়ত অসমক আন্তঃৰাষ্ট্ৰীয় প্ৰেক্ষাপটত বহু শিল্পীয়ে উজলাই তুলিছে তেনেসময়তে কিংবদন্তী অভিনেতাজনে কণ্ঠ নিগৰোৱা উক্ত গানটোৱে পুনৰ এবাৰ লুইতৰ পাৰ জিলিকাব বুলি আশা কৰিছে বহুজনে৷ কালি টুইটাৰত অভিনেতাজনে গানটোৰ বাণীবদ্ধ সম্পুৰ্ণ হোৱা বুলি প্ৰকাশ কৰে৷ অমিতাভ বচ্চনৰ গলগলীয়া মাতেৰে লুইতৰ গান শুনিবলৈ অধীৰ আগ্ৰহেৰে অপেক্ষা কৰিছে অনুৰাগীয়ে।
