67
বৰনৰ্দ্দীঃ গছে-পাতে কুঁহিপাত মেলিলে, নতুনক আদৰিবলৈ প্ৰকৃতি উখল মাখল লাগিছে। লোকসভা নিৰ্বাচনৰ মাজতো যেন অসমীয়াৰ স্বাভিমান ৰঙালীক আদৰিবলৈ অসমীয়াৰ মাজত পূৰ্ব প্ৰস্তুতিৰ শেষ নহোৱা আয়োজন।
সেইদৰে নলবাৰী জিলাৰ বিভিন্ন প্ৰান্ততো বাদ পৰি যোৱা নাই ৰঙালীৰ পূৰ্ব প্ৰস্তুতিৰ। পশ্চিম নলবাৰী অঞ্চলৰ পানীগাঁও সমন্বয় ক্ষেত্ৰৰ উদ্যেগত যোৱা ৫ এপ্ৰিলৰপৰা ১১ এপ্ৰিললৈ সাতদিনীয়া কাৰ্যসূচীৰে স্থানীয় মিলন হাইস্কুল প্ৰাংগণত বিহু নৃত্য আৰু বিহু বাদ্যৰ কৰ্মশালাৰ বৃহস্পতিবাৰে সফল সামৰণি পৰে।
