72
গোলাঘাট, ১৬ ছেপ্টেম্বৰঃ কাইলৈ ৰাজ্যজুৰি হ’বলগীয়া ক’ভিড প্ৰতিষেধক প্ৰদানৰ বিশাল অভিযানৰ বাবে গোলাঘাট জিলা প্ৰশাসন আৰু জিলা স্বাস্থ্য বিভাগ সম্পূৰ্ণৰূপে সাজু হৈ উঠিছে ।
জিলাখনৰ বিভিন্ন ঠাইত কাইলৈ মুঠ ১২৩ টা ক’ভিড প্ৰতিষেধক প্ৰদান কেন্দ্ৰত ২৭,৫৫০ পালি ক’ভিড প্ৰতিষেধক প্ৰদান কৰা হ’ব ৷ ইয়াৰে মিছামৰা খণ্ড প্ৰাথমিক স্বাস্থ্য কেন্দ্ৰৰ অধীনত ২৭০০পালি, চাৰিঙিয়া খণ্ড প্ৰাথমিক স্বাস্থ্য কেন্দ্ৰৰ অধীনত ৩০০০, মৰঙি ক্ষুদ্ৰ প্ৰাথমিক স্বাস্থ্য কেন্দ্ৰৰ অধীনত ৩৮০০, কমাৰবন্ধা আলি খণ্ড প্ৰাথমিক স্বাস্থ্য কেন্দ্ৰৰ অধীনত ৫৬০০, বোকাখাত খণ্ড প্ৰাথমিক স্বাস্থ্য কেন্দ্ৰৰ অধীনত ৭০০০, সৰুপথাৰ খণ্ড প্ৰাথমিক স্বাস্থ্য কেন্দ্ৰৰ অধীনত ৪৩৫০ আৰু গোলাঘাট নগৰৰ পাঁচটা কেন্দ্ৰত ১১০০পালি প্ৰতিষেধক প্ৰদান কৰা হ’ব ।