94
অনলাইন প্ৰতিবেদনঃ ভাৰতত আকৌ বিতৰ্কৰ মাজত সোমাই পৰিছে ভিডিঅ’ শ্বেয়াৰিং প্লেটফৰ্ম টিকটক। ফৈজাল ছিদ্দিকি নামৰ এজন পপুলাৰ ক্ৰিয়েটৰে আপলোড কৰা ভিডিঅ’ এটিৰ বাবেই এতিয়া বিপদত পৰিছে এপবিধ। প্ৰকাশিত বাতৰি মতে, মহিলাৰ গালৈ এচিড দলিয়াই দিয়াৰ দৰে অপৰাধমূলক কাৰ্যক উৎসাহিত কৰিব পৰা ভিডিঅ’ আপলোড কৰিছিল ক্ৰিয়েটৰজনে।
ইয়াৰ পিছতে উক্ত ভিডিঅ’টোক লৈ সমগ্ৰ দেশতে তীব্ৰ প্ৰতিক্ৰিয়াৰ সৃষ্টি হয়। গাইডলাইন ভংগৰ অপৰাধত টিকটকেও উক্ত ভিডিঅ’টো ডিলিট কৰি দিয়ে যদিও একাংশ লোকে ইয়াৰ ওপৰত ভিত্তি কৰি এপবিধক ভাৰতত নিষিদ্ধ কৰাৰো দাবী উত্থাপন কৰে। ৰাষ্ট্ৰীয় মহিলা আয়োগেও বিষয়টোক লৈ উদ্বিগ্নতা প্ৰকাশ কৰাৰ লগতে এনে কাৰ্য সংঘটিত হোৱা বাবে টিকটকক জবাবদিহি কৰে।
