66
ডিজিটেল ডেস্কঃ ১৮ জুন দেওবাৰ। ইংলেণ্ডৰ অভেলত অনুষ্ঠিত আই চি চি চেম্পিয়নছ ট্ৰফীত ভাৰতক পৰাস্ত কৰি চেম্পিয়নৰ খিতাপ জয় কৰে পাকিস্তানে। ‘চিৰবৈৰী’ পাকিস্তানৰ হাতত ভাৰতীয় ক্ৰিকেট দলটোৱে শোচনীয়ভাৱে পৰাজয় বৰণ কৰাটো কোনোপধ্যে মানি ল’ব পৰা নাই দেশৰ সমৰ্থকসকলে। য’লৈকে গৈছে সকলোতে এইকেইদিন এই লৈয়েই চৰ্চা। ছ’চিয়েল মিডিয়াতো সকলোৱে ব্যস্ত হৈ পৰিছে টীম ইণ্ডিয়াৰ পৰাজয়ক লৈ।
ইয়াৰ মাজতে একশ্ৰেণীৰ দুষ্ট প্ৰবৃত্তিৰ লোকে অব্যাহত ৰাখিছে দেশত অশান্তি বিয়পোৱাৰ চেষ্টা। ইয়াৰ বাবে দুষ্ট চক্ৰটোৱে বাছি লৈছে ছ’চিয়েল মিডিয়াক। এই অনুযায়ী ফেচবুক, টুইটাৰ, হোৱাটছএপত বিয়পাই দিয়া হৈছে ডক্টৰড ভিডিঅ’।
