62
ওৰাংঃ ওদালগুৰি জিলাৰ ওৰাং আৰক্ষী থানাৰ অন্তৰ্গত বৃহত্তৰ ওৰাং অঞ্চলটোত বিগত কেইমাহমানৰ পৰা গৰুচোৰৰ উপদ্ৰবে জনসাধাৰণৰ নিদ্ৰা হৰণ কৰিছে। ওৰাঙৰ গাঁও সমূহত গৰুচোৰৰ আতংকৰ বাবে কৃষকে গৰুৰ পহৰা দিব লগা হৈছে ৷
অঞ্চলটো গাঁওবোৰৰ পৰা প্ৰতি সপ্তাহতে গোহালীৰ বলধ-গাই নোহোৱা হ’বলৈ ধৰাত কৃষকসকল উপায়ন্তৰ হৈ পৰিছে। দিশহাৰা কৃষকসকলে খেতিৰ বাবে গোহালীৰ গৰুহাল কিনিবলৈ মাটি বন্ধকত থৈ ৬০-৭০ হাজাৰ টকাৰে গৰু ক্ৰয় কৰি নিশা গোহালীৰ গৰু পহৰা দি পুৱতি নিশা পথাৰৰ কামলৈ যাবলগীয়া পৰিৱেশৰ সৃষ্টি হৈছে৷
