58
কোকৰাঝাৰঃ পৃথক বড়োলেণ্ডৰ সপোনক বাস্তবায়িত কৰিবলৈ হাতত মাৰাণাস্ত্ৰ লৈ দিহিঙে-দিপাঙে, অটব্য অৰণ্যৰে ঘূৰি ফুৰা এনডিএফবিৰ ৰঞ্জনপন্থী গোট মূল সূঁতিলৈ ঘূৰি অহাৰ পিছত কেডাৰসকল ক্ৰমান্বয়ে বিপিএফ ৰাজনৈতিক দলৰ ফালে ধাৱমান হৈছে।
যোৱা ৮ আগষ্টত এনডিএফবি ৰঞ্জন পন্থী গোটৰ ৯ গৰাকীকৈ কেডাৰে বিপিএফ দলত যোগদান কৰাৰ পিছত আজি পুনৰাই ৫ গৰাকী এনডিএফবিৰ ৰঞ্জনপন্থী গোটৰ কেডাৰে বিপিএফ দলত আনুষ্ঠানিকভাৱে যোগদান কৰে। তেওঁলোক হ’ল ক্ৰমে হিতুন নাৰ্জাৰী (কোকৰাঝাৰ), নেৰছন নাৰ্জাৰী (কোকৰাঝাৰ), ৰীপক নাৰ্জাৰী(চিৰাং), অভিমুন্ন বড়ো(কোকৰাঝাৰ) আৰু গৌমজৈৰ নাৰ্জাৰী (কোকৰাঝাৰ)৷
