102
ডিজিটেল ৰিপ’ৰ্টঃ এফালে বানত ককবকাই আছে ২৬খনকৈ জিলাৰ লক্ষ লক্ষ লোকে। আনফালে বিষয়া-কৰ্মচাৰীৰ বিৰুদ্ধে প্ৰতিদিনে উত্থাপিত হৈ আহিছে কৰ্তব্যত গাফিলতিৰ অভিযোগ। ফলত একপ্ৰকাৰ হতাশ হৈ পৰিছে ৰাইজক পৰিৱৰ্তনৰ প্ৰতিশ্ৰুতি দিয়া নতুন চৰকাৰখনৰ মূৰব্বী সৰ্বানন্দ সোণোৱাল।
এবছৰ পাৰ হৈ যোৱাৰ পিছতো ৰাইজৰ অভাৱ-অভিযোগসমূহ পূৰণ কৰিব নোৱৰাত বিষয়াসকলৰ ওপৰতে একপ্ৰকাৰ ক্ষুব্ধ হৈ পৰে মুখ্যমন্ত্ৰীগৰাকী। সেয়ে জনতা ভৱনত বিশেষ বৈঠকৰ আহ্বান কৰি বিষয়া-কৰ্মচাৰীসকলক নিজৰ নিজৰ দীৰ্ঘদিনীয়া অভিজ্ঞতাক কামত লগাবলৈ নিৰ্দেশ দিয়ে অসন্তুষ্ট মুখ্যমন্ত্ৰীগৰাকীয়ে।
