অগপ-বিজেপিক ভোট দিয়া মানে বাংলাদেশীক ঘৰলৈ আদৰা– গৌৰৱ গগৈ

নগাঁওঃ বিজেপি আৰু অগপই নিজৰ স্বাৰ্থতহে ৰাজনীতি কৰিছে৷ অসমীয়া জাতি-ধ্বংসী নাগৰিকত্ব সংশোধনী বিধেয়কখন বিজেপিয়ে অসমবাসীৰ প্ৰবল আপত্তি স্বত্ত্বেও বলবৎ কৰিবলৈ বিচাৰিছে ৷ ইয়াৰ বিপৰীতে আঞ্চলিকতাবাদৰ শ্ল’গান দিয়া অগপেও নিজৰ ক্ষমতাৰ লোভতেই ইয়াৰ প্ৰত্যক্ষ বিৰোধিতা কৰা নাই ৷ ”বিজেপি আৰু অগপ দলৰ নেতৃত্বই গাদী ৰক্ষাৰ স্বাৰ্থত আৰ এছ এছৰ শৰণাপন্ন হৈছে আৰু আৰ এছ এছৰ নিৰ্দেশতেই কাম-কাজ চলাই আহিছে ৷ তেওঁলোকে অসমীয়াৰ স্বাভিমানক অৱজ্ঞা কৰি কেৱল আৰ এছ এছৰ আজ্ঞা মানি অসমত বাংলাদেশীত সংস্থাপন দিব ওলাইছে ৷”–এই মন্তব্য কলিয়াবৰ লোকসভা সমষ্টিৰ সাংসদ গৌৰব গগৈৰ৷