গোলাঘাটত ৰপ্তানিযোগ্য সামগ্ৰীৰ দিনজোৰা প্ৰদৰ্শনী সম্পন্ন

গোলাঘাট, ২৪ ছেপ্টেম্বৰঃ আজাদি কা অমৃত মহোৎসৱৰ সৈতে সংগতি ৰাখি গোলাঘাট জিলা উদ্যোগ আৰু বাণিজ্য কেন্দ্ৰৰ উদ্যোগত আৰু জিলা প্ৰশাসনৰ সহযোগত আজি জিলা পুথিভঁৰালৰ বাকৰিত জিলাখনৰ ৰপ্তানিযোগ্য সামগ্ৰী আৰু সেৱাসমূহৰ এখন প্ৰদৰ্শনী অনুষ্ঠিত কৰা হয় ।

এই প্ৰদৰ্শনীত জিলাখনৰ বিভিন্ন ঠাইৰ পৰা অহা কেইবাগৰাকীও উদ্যমী, শিল্পী, শিপিনী আৰু থলুৱা ব্যৱসায়ীয়ে অংশগ্ৰহণ কৰে । বিপনীসমূহত থলুৱাভাৱে প্ৰস্তুত কৰা আচাৰ আৰু বিভিন্ন খাদ্য সামগ্ৰী, বিভিন্ন ধৰণৰ চাহ, মুগা আৰু এৰি কাপোৰ, হাতেৰে প্ৰস্তুত কৰা কাঠৰ আৰু বাঁহ-বেতৰ সামগ্ৰী আদি প্ৰদৰ্শন কৰা হয় ।