58
মঙলদৈঃ দৰং জিলাৰ পৰা পবিত্ৰ মক্কাত হজলৈ যাব লগা হজ যাত্ৰী সকলক দেওবাৰে দৰং জিলাৰ বিভিন্ন দল-সংগঠনে সম্ভাষণ তথা শুভেচ্ছা যাঁচে৷ দৰং জিলাৰ মঙলদৈৰ য়ুথ ক্লাৱত অনুষ্ঠিত এখন সভাত ৪৭ গৰাকী হজ যাত্রীক সম্ভাষণ তথা শুভেচ্ছা জ্ঞাপন কৰিবলৈ সভা খনত উপস্থিত থাকে শিক্ষাবিদ নগেন্দ্ৰ নাথ শৰ্মা, প্ৰক্তন মন্ত্ৰী কংগ্ৰেছ নেতা বসন্ত দাস, প্ৰক্তন সাংসদ মাধৱ ৰাজবংশী, বিশিষ্ট উদ্যোগপতি ৰাজীব ডেকা, সাংবাদিক দ্বীপেন কোৱৰকে ধৰি ভালেকেইজন লোক।
বিভিন্ন জাতি-জনগোষ্ঠিৰ লোকসকলে হজ যাত্রীক সম্ভাষণ তথা শুভেচ্ছা জ্ঞাপন কৰাৰ ফলত হিন্দু-মুছলমানৰ মাজত থকা একতা ভাতৃত্ববোধৰ এনাজৰী ডাল আৰু অধিক কটকটীয়া হ’ব বুলি মতপোষণ কৰে উপস্থিত লোকসকলে৷ সভাখনত উপস্থিত থকা এগৰাকী মৌলবীয়ে হিন্দু ধৰ্মৰ মন্ত্র, গায়ত্ৰী মন্ত্র আওৰাই বিশ্লেষণ কৰে মানৱতা সকলোতকৈ ডাঙৰ ধৰ্ম বুলি কয়৷
