50
গুৱাহাটীঃ কৰ্তন কৰা নহয় ৰাজ্যিক কৰ্মচাৰী আৰু পেঞ্চনাৰসকলৰ মাৰ্চ মাহৰ দৰমহা। শনিবাৰে এক সংবাদমেলযোগে এই কথা সদৰী কৰিছে ৰাজ্যৰ বিত্ত মন্ত্ৰী ডঃ হিমন্ত বিশ্ব শৰ্মাই। মন্ত্ৰীগৰাকীয়ে জনোৱা মতে অহা ৯ অথবা ১০ এপ্ৰিলত ৰাজ্যখনৰ সকলো কৰ্মচাৰী আৰু পেঞ্চনাৰে লাভ কৰিব দৰমহা আৰু পেঞ্চন।
‘ভাৰতৰ বহু ৰাজ্যই কৰ্মচাৰীসকলৰ দৰমহা কৰ্তন কৰিছে। মুখ্যমন্ত্ৰীৰ সৈতে আলোচনা কৰাৰ অন্তত আমি কৰ্তন নকৰাৰ সিদ্ধান্ত লৈছো। আমাৰ সকলো কৰ্মচাৰীয়ে এইবাৰ সম্পূৰ্ণ দৰমহা পাব। অৱশ্যে মে’ মাহত হয়তো কৰ্তন কৰিবলগীয়া হ’ব পাৰে।’-এইদৰে কয় মন্ত্ৰীগৰাকীয়ে।
