64
নতুন দিল্লীঃ কৰ’না মহামাৰীৰ ফলত বিপৰ্যস্ত হৈ পৰিছে দেশৰ অৰ্থনীতি। এনে পৰিস্থিতিৰ মোকাবিলা কৰিবলৈ তাৎক্ষণিক ব্যৱস্থা হিচাপে দেশৰ অতি ধনী লোকসকলৰ ওপৰত কৰৰ পৰিমাণ বৃদ্ধি কৰিবলৈ চৰকাৰক প্ৰস্তাৱ আগবঢ়াইছে এদল বৰ্ষীয়ান আয়কৰ কৰ্মচাৰীয়ে। একেদৰে বিদেশী বহুজাতিক প্ৰতিষ্ঠানসমূহৰ ওপৰতো লেভি বৃদ্ধি কৰিবলৈ আহ্বান জনাইছে এইসকল কৰ্মচাৰীয়ে।
ইণ্ডিয়ান ৰেভিনিউ ছাৰ্ভিছেছ (IRS) এছ’চিয়েশ্যন নামৰ আয়কৰ বিভাগৰ কৰ্মচাৰীসকলৰ সংস্থাটোৱে এই সন্দৰ্ভত কেন্দ্ৰীয় প্ৰত্যক্ষ কৰ পৰিষদৰ অধ্যক্ষ পি চি মোদীক এখন পত্ৰও প্ৰেৰণ কৰিছে। উক্ত পত্ৰখনতে চৰকাৰক এনে পৰামৰ্শ আগবঢ়াইছে সংস্থাটোৱে।