বিসম্বাদলৈ ভয়, সম্পূৰ্ণ কাৰ্বি স্বায়ত্ত পৰিষদ কেতিয়া?

ডিফুঃ দ্বাদশ কাৰ্বি স্বায়ত্ত শাসিত পৰিষদৰ নিৰ্বাচনত গেৰুৱা দল বিজেপিয়ে একক সংখ্যাগৰিষ্ঠতাৰে পৰিষদ দখল কৰাৰ প্ৰায় এমাহ অতিক্ৰম কৰাৰ পিছতো আজিলৈকে এখন পূৰ্ণ পৰ্যায়ৰ স্বায়ত্ত পৰিষদ গঠন নোহোৱাত জিলাখনৰ সাধাৰণ ৰাইজৰ মাজত প্ৰতিক্ৰিয়াৰ সৃষ্টি হৈছে৷

যোৱা ২২ জুনত দ্বাদশ কাৰ্বি পৰিষদৰ ফলাফল ঘোষণাৰ পিছত এগৰাকী দুৰ্নীতিমুক্ত, নিকা ভাৱমূৰ্তিৰ নতুন মুখক কাৰ্বি পৰিষদৰ মুখ্য কাৰ্যবাহী সদস্য পদত অধিষ্ঠিত কৰিবলৈ বিজেপিৰ তৃণমূল কৰ্মীসকলে দাবী কৰাৰ পাছতো দুৰ্নীতিত সঙোৰ খাই পৰা তুলিৰাম ৰংহাঙকে ডিফু আৱৰ্ত ভৱনত গেৰুৱা দলৰ শীৰ্ষ নেতৃত্বৰ উপস্থিতিত বিজেপি সদস্যসকলে চি ই এম পদৰ বাবে সৰ্বসন্মতি ক্ৰমে মনোনীত কৰে৷