60
কাজিৰঙাঃ যোৰহাটৰ টিয়কত তীব্ৰবেগী বাহনৰ খুন্দাত বুধবাৰে নিশা আহত হোৱা এটা নাহৰফুটুকীয়ে আজিপৰ্যন্ত মৃত্যুৰ সৈতে যুঁজ দি আছে। স্থানীয় ৰাইজে দেখা পাই লগে লগে সমগ্র বিষয়টো বনবিভাগক অৱগত কৰাৰ পিছতে বনবিভাগে আহত নাহৰফুটুকী উদ্ধাৰ কৰে।
বনবিভাগে কাজিৰঙাৰ পানবাৰীস্থিত বন্যপ্ৰানী উদ্ধাৰ আৰু পুনৰ সংস্থাপন কেন্দ্ৰলৈ লৈ আনে। মুৰ আৰু দেহৰ বিভিন্ন স্থানত গুৰুতৰভাৱে আঘাতপ্ৰাপ্ত হোৱা নাহৰফুটুকীটোৰ অৱস্থা সংকটজনক যদিও চিকিৎসা অব্যাহত আছে। নাহৰফুটুকীটো বৰ্তমানেও বিপদমুক্ত নহয় বুলি জনাইছে নাহৰফুটুকীটোৰ চিকিৎসাৰ দায়িত্বত থকা পশুচিকিৎসকসকলে।
